第一步嘅开题报告今日基本完成了，就等学校的审批工作，虽说上两届的开题报告都修改时间比较地长，但我对此表示毫无压力（其实不然，还是感到有少少的）。毕业设计嘅主题系广府文化（籍着呢点返屋企！哈哈！~），主要从视觉方面入手研究。唔知系因为系上海读书嘅关系，定系因为两年前俾我系花街上见到一个富有广州特色嘅路牌挂件嘅关系，我觉得我越嚟越热爱广州文化。就好似我好中意听希腊神话咁（其实我系无点睇过希腊神话嘅，因为人名实在太长，我记唔住！但部分故事都系有所听闻过嘅！）。因为佢地都充满神秘嘅色彩，同时蕴含历史嘅沉淀。此次毕业设计我希望系可以做的完整，并且有意义。

对于第一步嘅开题报告，我自我感觉还是比较良好的。接下来就开始show time！~~

       好耐好耐无睇过D咁咁有水平嘅展览啦！香港人嘅设计，果然很务实。同时，很创意，很本土。环境嘅布置，展品嘅陈列都让人接目不暇。每一件作品都蕴含着作者匠心独妙的意义。Barney Cheng嘅奢华中的简约，永不过时的时尚；而黄炳培嘅红白蓝设计，陈幼坚嘅独一无二嘅香港纪念品，有种复古嘅味道。 还有蔡汉成博士嘅借住玩具倡导环保以及麦家碧嘅麦唛与麦兜，又有一种年轻嘅气息。出口处陈秉鹏嘅传统与现代交相辉映，恍惚系为呢个展览作一个总结性嘅话语！

       呢个假期过得好颓，一直好颓，连自己都意识到自己好颓，但仍然死不悔改咁颓落去。无目标，无计划咁过咗呢两个月。生活糜烂，经常通顶桌游，连累到身边嘅朋友都无得训，成日陪我玩。颓到好耐好耐都无写博客。颓到只识食饭，训觉同玩。颓到连屋企都唔想翻，经常寄居人地屋企。颓到连我自己都接受唔到呢个咁样嘅自己。

      真系好颓，好颓~~

        最近“广州话”呢个话题炒得好热，我系一个广州人，我当然站在广州人呢一边，但我唔会去做愤青，更加唔会参与游行示威。因为，广州人系有一颗包容嘅心，我地要坚持我地嘅粤语政策，同时，我地也唔应该去抵制普通话，两者应该系并存嘅。外地人唔应该利用我地嘅包容心，政府唔应该扼杀我地说话嘅权利。

        今日迁户口，从金花迁到彩虹，以前嘅桃源上街早已不复存在，但系零碎嘅记忆仍存留系我脑里面。每次听公公，妈妈，姨妈讲起小时候住桃源上街嘅事情，有一种感动油然而生。回忆系美好嘅，结果，我常常活在过去。望住昔日嘅照片，百感交集。小时候穷，但系活得好开心，至起码我脑里面嘅全部都系开心嘅回忆。而家小康了，开心依然，但仍会让我想经常回到昔

      浑浑噩噩又咁3年了，如果我大一大二嘅时候有我而家咁清醒嘅头脑，我啉我绩点可能未至于这么的低。而家醒过嚟，唔知算唔算嚟得切呢？！

      今个暑假放得比任何人都早，以至于翻到广州有D感觉无所事事。屋企好多长辈都问我假期有咩计划，但系其实我，咩计划都无，我只想开开心心咁度过呢个暑假，毕竟，可能系最后一个暑假啦。

      读书读到今时今日，讲真，真系唔知学到D咩，有几多教科书上嘅野真系可以拿上嚟现实生活用咖？！难道去买菜，都要解个方程先？！加上而家读嘅设计，感觉有D虚无，可能我仲未搵到设计嘅真谛，如果真系咁，我恐惧了！！

 2010.5.19      

       今日超级忙，超级超级忙，上咗一日课，做咗一日嘅presentation，觉得好攰，尤其系琴日去完世博。上完课之后，晚上仲要扑出市区，超级攰！！

       讲翻琴日世博，超级多人，同W小姐主要系C区游览，共游览7个馆，本来系要联同K小姐一起嘅，但由于种种原因，结果无一起游览，只系晚上匆忙咁见咗一下面。C区主要系欧洲馆，我哋琴日睇咗西班牙馆，丹麦馆，奥地利馆，加拿大馆，墨西哥馆，英国馆，澳大利亚馆。本来好想去德国馆，（PS，德国馆D德国仔好靓仔啊~~~~）但由于睇到果个壮观嘅队伍，令我“叹为观止”。不过，就见到德国总统，但系付出咗两个小时嘅等待。

    我又move啦，今次move翻宿舍，有D唔舍得小别墅嘅装饰